WALINDA ‘LANGO’ WANAOTIKISA LIGI YA CHAMPIONSHIP YA NBC.

Mzunguko wa 10 wa Ligi ya Championship ya NBC umetamatika huku Mtibwa Sugar ikiwa kinara wa Ligi hiyo.

Hawa hapa walinda lango wanaoongoza orodha ya hati safi katika msimu wa 2026/27 ndani ya ligi hiyo hadi sasa;

Abubakar Omari wa Bandari Tanzania ya mkoani Mtwara anaongoza orodha hiyo akiwa na hati safi sita. Kipa huyo amefanikiwa kufikia idadi hiyo baada ya timu yake kucheza michezo sita bila kuruhusu wapinzani kupata bao kati ya michezo 10 na kumfanya kuwa miongoni mwa walinda milango waliofanya vizuri zaidi hadi sasa.

Haroun Mandanda wa timu ya Rhino Rangers ya Tabora anafuatia sambamba akiwa na hati safi sita kati ya michezo 10 ambayo timu hiyo imeshacheza mpaka sasa, hivyo alihakikisha lango lake limebaki salama hali inayodhihirisha ushindani mkubwa katika mbio za kuwania nafasi ya kinara wa hati safi.

Edward Mwakyusa wa timu ya Tanzania Prisons ya Mbeya anashika nafasi ya tatu akiwa na hati safi nne, idadi hiyo kutokana na michezo ambayo timu yake imehitimisha bila kuruhusu bao, hivyo kujipambanua katika orodha ya makipa wanaofuatia.

Samwel Kasanga wa Mbuni ya Arusha, anashika nafasi ya nne akiwa na hati safi tatu. Rekodi hiyo inamweka katika kundi la makipa waliofanikiwa kudumisha uimara wa lango lao katika michezo ya Championship msimu huu.

Mahamoud Lipangala wa Transit Camp ya Dar es Salaam naye anafuatia akiwa na hati safi tatu. Kipa huyo amelingana kwa idadi ya hati safi na Samwel Kasanga, huku akibaki katika ushindani wa kuongeza rekodi yake kadri ligi inavyoendelea.

Alpackshard Daudi wa Gunners ya Dodoma anafata akiwa na hati safi tatu. Kipa huyo ameendelea kuwa miongoni mwa walinda milango vinara, akihitaji kuongeza michezo mingine bila kuruhusu bao ili kupanda zaidi katika orodha hiyo.

Salum Saidi wa Kigamboni United ya Dar es Salaam anashika nafasi ya saba katika orodha hiyo akiwa na hati safi tatu. Idadi hiyo inamfanya kuwa sehemu ya kundi la makipa wanaofuatia Edward Mwakyusa, huku ushindani wa kuongeza hati safi ukiendelea katika mizunguko inayofuata.

Bwanakheri Mwishehe wa Mtibwa Sugar ya Morogoro anahitimisha orodha hiyo akiwa na hati safi tatu, sawa na makipa wengine wanne.

Hivyo, ushindani wa kuwania kuwa kinara wa hati safi katika Ligi ya Championship ya NBC 2026/27 bado unaendelea, huku Abubakar Omari na Haroun Mandanda wakiwa mbele kwa tofauti ya hati safi mbili dhidi ya anayewafuatia.

Start a Conversation

Your email address will not be published. Required fields are marked *