Mzunguko wa sita wa Ligi Kuu ya NBC umetamatika huku vita ya pasi saidizi za mabao ikionekana kuanza kukolea kutokana na namna ambavyo wachezaji wanapambana kuweza kukusanya pasi hizo.

Libasse Gueye wa Simba ndie kinara wa mbio hizo akifanikiwa kuweka pasi saidizi tano ndani ya michezo sita ambayo timu hiyo ishacheza hadi sasa.

Hussein Zakouani wa Young Africans, Jeancy Mboma wa Singida Black Stars ndio wachezaji wanaofuatia kwa pasi nyingi ikiwa wameweza kutoa pasi saidizi tatu kila mmoja kwa timu zao ndani ya michezo mitano ambayo timu hizo zimeshacheza.

Yusuph Adam wa Singida Black Stars, Vicent Abubakar wa Geita Gold, Ani Elijah wa TRA United, Albert Kangwanda na Chadrack Boka wa Young Africans, Hassan Mubiru wa Azam na Denis Mushi wa Polisi Tanzania wamefanikiwa kuzipatia timu zao pasi saidizi mbili kila mmoja hadi sasa.

Ligi Kuu ya NBC inatarajiwa kuendelea tena Oktoba nane ikiwa ni baada ya mapumziko ya ratiba kalenda ya Fifa na utakuwa ni mzunguko wa saba wa Ligi hiyo.

LIGI ya Championship ya NBC inazidi kunoga ikiwa ni mzunguko wa pili wa Ligi hiyo iliyoanza Septemba 10 ikihusisha timu 16 kutoka mikoa mbali mbali.

Mzunguko wa pili unaanza leo kwa michezo miwili ambapo timu ya Mbeya Kwanza itakuwa mwenyeji wa timu ya Tanzania Prisons katika uwanja wa Ali Hassan Mwinyi mkoani Tabora na mchezo huo utakuwa mbashara kupitia chaneli ya Fifa+ huku Stand United ikiumana na timu ya Kigamboni United katika uwanja wa Kambarage mkoani Shinyanga.

Kesho michezo miwili itachezwa pia ambapo Gunners itaikaribisha timu ya Bandari katika uwanja wa Jamhuri Dodoma ambapo mchezo utakuwa mbashara kupitia chaneli ya Fifa+ huku Mtibwa Sugar itacheza na Mbuni katika uwanja wa Manungu na mchezo huo utakuwa mbashara chaneli ya Ligikuu Tv kwenye mtandao wa Youtube.

Septemba 20 michezo minne itachezwa ambapo Transit Camp itaumana na TMA kwenye uwanja wa Uhuru, Dar es Salaam huku pia mchezo huo uutaruka mbashara kwenye chaneli ya mtandao wa Youtube ya Ligikuu Tv.

Bigman dhidi ya KMC kwenye uwanja wa Mkwakwani Tanga , Songea United dhidi ya Rhino Rangers kwenye uwanja wa Maji Maji, Ruvuma na KenGold dhidi IAA katika uwanja wa Manispaa ya Chunya mkoani Mbeya.

‘Dabi’ ya Mzizima leo inatarajiwa kuwa mchezo wa kuvutia wa Ligi Kuu ya NBC wakati Azam ikiwakaribisha Simba kwenye uwanja wa Azam Complex, Dar saa 1:00 usiku.

Mchezo huo ni muhimu kwa timu zote ikiwa kila timu inataka alama tatu ili kujiweka katika nafasi nzuri ya kuwania ubingwa wa Ligi Kuu ya NBC.

Azam iko nafasi ya tatu kwenye msimamo wa Ligi Kuu ya NBC ikiwa na alama 14 baada ya michezo sita , ikishinda michezo minne na sare mbili, ikifunga mabao 11 huku ikiruhusu mabao matano.

Simba iko nafasi ya pili ikiwa imecheza michezo mitano na kufanikiwa kushinda michezo yote huku timu hiyo ikifunga mabao tisa na kuruhusu mabao mawili pamoja na kuvuna alama 15.

Hassan Mubiru ni mmoja wa nyota wa kuchungwa kwa timu ya Azam akiwa amefanikiwa kufunga bao moja asisti mbili ikiwa ni ndani ya dakika 265 alizocheza ndani ya Ligi Kuu ya NBC msimu wa 2026/2027.

Abdul Suleiman nae ni mmoja wa nyota wa kuchungwa akifanikiwa kufunga mabao manne ndani ya dakika 275 ikiwa ni sawa na michezo minne amecheza ndani ya timu ya Azam.

Libasse Gueye ndie mchezaji wa kuchungwa kwa upande wa timu ya Simba akiwa amehusika katika mabao sita kwa kufunga bao moja, assisti tano ndani ya dakika 384 alizocheza kwenye Ligi Kuu ya NBC.

Clatous Chama wa Simba akiwa amefanikiwa kufunga mabao matatu ndani ya michezo minne huku akiwa ametumia dakika 357.

KIUNGO mshambuliaji wa timu ya Simba ya Dar es Salaam, Libasse Gueye, amechaguliwa kuwa Mchezaji Bora wa mwezi Agosti wa Ligi Kuu ya NBC msimu wa mwaka 2026/27, huku Manqoba Mngqithi wa Young Africans, akichaguliwa Kocha Bora wa ligi hiyo kwa mwezi huo.

Gueye alionesha kiwango kizuri chenye mwendelezo akiwashinda Maxi Nzengeli wa Young Africans na Oscar Mwajanga wa Mbeya City, alioingia nao fainali katika mchakato wa Tuzo za Mwezi uliofanywa na Kamati ya Tuzo za Shirikisho la Mpira wa Miguu Tanzania (TFF).

Mchezaji huyo alitoa mchango mkubwa kwa timu yake katika michezo mitano ambayo Simba ilicheza mwezi huo na kushinda yote, huku nyota huyo akifunga bao moja na kuhusika na mengine matano.

Kwa upande wa Manqoba aliyeingia fainali na Steve Barker wa Simba na Florent Ibenge wa Azam, aliiongoza Young Africans kushinda michezo yote mitano iliyocheza mwezi huo na kuwa kileleni mwa msimamo wa ligi.

Pia Kamati ya Tuzo imemchagua Meneja wa Uwanja wa Bukombe uliopo mkoani Geita,Deogratius Dayan kuwa Meneja Bora wa Uwanja kwa mwezi Agosti kutokana na kufanya vizuri katika menejimenti ya matukio ya michezo pamoja na masuala yanayohusu miundombinu uwanjani.

Kamati pia imeteua mabao matatu ambayo yatapigiwa kura na mashabiki ili kupata bao bora la mwezi Agosti. Mabao hayo ni yaliyofungwa na Shekhan Hamis (Singida BS Vs Polisi Tanzania), Robert Mathias (Geita Gold Vs Kagera Sugar) na Hija Shamte (Mbeya City v Mashujaa)

Imetolewa na;

Idara ya Habari na Mawasiliano

Bodi ya Ligi Kuu Tanzania (TPLB)

Septemba 11, 2026

LIGI Kuu ya NBC imeendelea kushika kasi ikiwa ni mzunguko wa tatu wa ligi hiyo ambapo timu ya Mbeya City ilikuwa mwenyeji wa timu ya Mashujaa huku Azam ikiikaribisha timu ya Pamba Jiji.

Mchezo wa kwanza ulikuwa katika uwanja wa Sokoine ambapo mwenyeji Mbeya City aliikaribisha Mashujaa kwa kasi kubwa ikiwa kila timu ilikuwa ikizitaka alama tatu muhimu ili kujiweka katika nafasi nzuri kwenye msimamo wa Ligi Kuu huku timu hizo zikienda mapumziko bila kufungana mabao.

Kipindi cha pili kilirejea na timu zote zilikuwa zikionyesha ushindani ambapo iliwachukua dakika 52 timu ya Mashujaa kufungua ukurasa wa mabao kupitia mchezaji wao Hijjah Shamte huku Adilly Buha wa Mbeya City akisawazisha kupitia mkwaju wa penati na dakika ya 79 na Oscar Mwajanga aliiongezea bao la pili timu ya Mbeya City hivyo mchezo kuisha kwa 2-1.

Mchezaji wa Mbeya City Ismail Aziz alichaguliwa kuwa mchezaji bora wa mchezo huo kutokana na kiwangzzo kizuri alichoonyesha.

Mchezo wa pili ulichezwa majira ya saa moja jioni katika Uwanja wa Azam Complex jijini Dar es Salaam ambapo mwenyeji timu ya Azam aliikaribisha timu ya Pamba Jiji.

Mchezo ulianza kwa timu zote kucheza kwa tahadhari kubwa ili kuhakikisha hazipotezi alama ambapo iliwachukua dakika 24 timu ya Azam kufunga bao la kwanza kupitia mchezaji wao Enock Molia huku Pamba jiji ikisawazisha dakika ya 45 ya mchezo huo kupitia mchezaji wao Nonyem Okorocha na timu hizo zilienda mapumziko 1-1.

Kipindi cha pili kilirejea na mchezaji wa Azam, Abdul Suleiman alifunga bao la pili kupitia mkwaju wa penati baada ya Iddi Seleman kuchezewa madhambi na mchezaji wa Pamba Jiji na mchezo ulitamatika kwa 2-1 mchezaji wa Azam Iddy Seleman alichaguliwa kuwa mchezaji bora wa mchezo huo.