MSHAMBULIAJI wa Pamba Jiji, Anuary Jabir ameendelea kuwa ‘mwamba’ kwenye Ligi Kuu NBC msimu wa 2026/27 baada ya kufikisha mabao sita yaliyofungwa ndani ya eneo la boksi.

Jabir amefunga dhidi ya Azam katika mchezo na Polisi Tanzania, Dodoma Jiji, Coastal Union na Mbeya City ambapo alifunga mabao mawili kabla ya kuhitimisha orodha hiyo kwa bao dhidi ya Mashujaa.

Jabir anaongoza kwa tofauti ya mabao mawili dhidi ya kundi la wachezaji watano wanaofuatia ambapo kila mmoja akiwa amefunga mabao manne ndani ya eneo hilo.

Wachezaji hao ni Peter Shalulile wa Yanga, Elie Mpanzu na Clatous Chama wa Simba, Abdul Suleiman wa Azam na Obrey Chirwa wa Geita Gold wote wakiwa na mabao manne.

Ushindani huo unaweka wazi namna washambuliaji hao wanavyotumia nafasi wanazopata ndani ya eneo la hatari huku Jabir akiwa ndiye kinara hadi sasa.

Kwa mabao sita aliyofunga ndani ya boksi, macho sasa yanaelekezwa kwa mshambuliaji huyo wa Pamba Jiji kuona kama ataendelea na kasi hiyo leo timu yake itakapokuwa mwenyeji wa Pamba Jiji kwenye mchezo wa kwanza kuchezwa uwanja wa Ushirika, Kilimanjaro tangu timu hiyo ipande daraja.

Ligi Kuu ya NBC imeendelea mzunguko wa nane ikiwakutanisha JKT Tanzania dhidi ya Mbeya City na
JKT kuibuka na ushindi wa mabao 2-1 katika mchezo uliochezwa kwenye uwanja wa Meja Jenerali Isamuhyo saa 1:00 jioni.

Mchezo huo ulianza kwa ushindani huku timu zote zikisaka nafasi ya kupata mabao ya mapema kabla ya JKT kuvunja ukimya dakika ya 45 +3 kupitia Valentino Mashaka aliyefunga bao la kwanza na kuifanya timu kwenda mapumziko ikiwa mbele kwa bao 1-0.

Kipindi cha pili kilirejea kwa timu zote kuendelea kupambana huku JKT ikifanikiwa kuongeza bao la pili dakika ya 88 kupitia Magata Fredrick na kujiweka katika nafasi nzuri ya kupata ushindi.

Hata hivyo Mbeya City iliendelea kupambana hadi dakika za mwisho na kufanikiwa kupata bao la kufutia machozi dakika ya 90+3 kupitia Joseph Mabaga.

Matokeo hayo yanaifanya JKT kuondoka na alama zote tatu katika mchezo huo na mchezaji bora wa mchezo huo alikuwa Valentino Mashaka wa JKT Tanzania.

 

Simba inaongoza kwa idadi ya mabao yaliyofungwa katika ligi Kuu ya NBC msimu wa 2026/27 ikiwa ‘imefumania’ nyavu mara 19 na kuruhusu mabao manne katika michezo nane iliyocheza.

Watani zao wa jadi Yanga wanaendelea kuwafukuzia kwa karibu wakiwa wamefunga mabao 17 na kuruhusu manne katika michezo saba. Hali hiyo inaifanya mbio za timu hizo mbili katika safu ya ushambuliaji kuwa miongoni mwa mambo yanayovutia huku Yanga ikiwa na mchezo mmoja pungufu ya Simba.

Singida black Stars inashika nafasi inayofuata kwa kufunga mabao 14 na kuruhusu 11 katika michezo nane huku Azam ikiwa imefunga mabao 13 na kuruhusu saba katika michezo nane.

Katika timu zilizofunga mabao tisa ni Mashujaa katika michezo nane huku ikiruhusu 13 wakati Jkt Tanzania na Geita Gold zimefunga idadi hiyo katika michezo saba kila mmoja na zikifungwa mabao 11.

Polisi Tanzania imefunga mabao 10 na kuruhusu tisa katika michezo saba, Pamba Jiji ikiwa na mabao manane ya kufunga, 13 ya kufungwa katika michezo saba.

Mbeya City, Coastal Union na Namungo zimefunga mabao saba kila mmoja, Mbeya City imeruhusu mabao saba katika michezo saba,huku Coastal Union na Namungo zikiruhusu 11 kila mmoja katika michezo nane.

Kwa upande mwingine TRA United imefunga mabao sita na kuruhusu saba katika michezo saba, huku Dodoma Jiji ikiwa na mabao matano ya kufunga na matano ya kufungwa katika michezo saba.

Kagera Sugar imefunga mabao manane na kuruhusu 15 katika michezo saba, wakati Fountain Gate ikiwa na mabao matatu na kufungwa 11 katika michezo saba.

Kadiri Ligi inavyoendelea kila timu itakuwa na nafasi ya kuboresha na kubadilisha mwelekeo wa ushindani.

Je Simba itaendelea kuongoza kwa mabao au Yanga na wapinzani wengine wataongeza kasi katika raundi zijazo?

TIMU za Mashujaaa, Pamba Jiji na Namungo zimeanza kwa ushindi baada ya mapumziko ya Ligi Kuu ya NBC ya msimu wa 2026/27 kufuatia matokeo ya michezo mitatu ya mzunguko wa saba.

Mchezo wa Kwanza ulipigwa kwenye uwanja wa Lake Tanganyika uliowakutanisha Wenyeji Mashujaa na Polisi Tanzania na Mashujaa kuibuka na ushindi wa mabao 2-1.

Mashujaa iliyoanza kupata bao kupitia kwa Mishamo Michael dakika ya 30 akiipa timu yake matumaini ya kubaki na alama tatu nyumbani.

Hata hivyo Polisi ilirejea mchezoni katika kipindi cha pili kupitia kwa Anuary Jabir akifunga bao la kusawazisha dakika ya 52 kwa mkwaju wa penati na kurejesha ushindani katika mchezo huo.

Mchezo ulionekana kuelekea kumalizika kwa sare lakini Michael Godlove aliibuka shujaa wa Mashujaa kufunga bao la ushindi kwa Penati dakika ya 90+5 na kuifanya timu hiyo kuondoka na alama zote tatu mbele ya mashabiki wake.

Katika uwanja wa CCM Kirumba jijini Mwanza Pamba Jiji ilikutana na Geita Gold katika pambano lililokuwa na mvuto wa kipekee kwa mashabiki wa Kanda ya ziwa ambapo Pamba iliibuka na ushindi wa 4-0 ikiwa ushindi wa kwanza msimu huu.

Pamba jiji ilianza kwa kasi na kupata bao la kuongoza dakika ya 14 kupitia Henry Msabila kabla ya Deogratias Mafie kuongeza la pili dakika ya 18 na kuifanya timu hiyo kwenda mapumziko ikiwa na faida ya mabao mawili.

Kipindi cha pili kilirejea kwa Pamba Jiji kuendelea kutawala mchezo, alikuwa Zabona Mayombya akifunga bao la tatu dakika ya 50 na kuimarisha zaidi nafasi ya wenyeji.

Diomande Idris alihitimisha ushindi huo mnono kwa kufunga bao la nne dakika ya 79 na kuifanya Pamba Jiji kuondoka na ushindi wa mabao 4 -0 mbele ya mashabiki wake wa Mwanza.

Huko mkoani Lindi, Namungo imetumia vyema faida ya kucheza nyumbani baada ya kuichapa TRA bao 1-0 katika mchezo uliochezwa kwenye uwanja wa Majaliwa Ruangwa majira ya saa 12:30 jioni.

Bao la pekee la mchezo huu lilifungwa na Helbert Lukindo dakika ya 11 akiwezesha Namungo kupata uongozi wa mapema na kuanza safari ya kusaka ushindi.

Baada ya bao hilo timu zote ziliendelea kupambana kusaka matokea lakini Namungo ilifanikiwa kulinda uongozi wake hadi dakika 90 zilizokamilika na hivyo kujikusanyia alama tatu muhimu.

Baada ya mapumziko Ligi Kuu ya NBC inarejea tena leo kwa michezo mitatu ya mzunguko wa Saba, huku timu zikianza tena safari ya kusaka alama muhimu kuelekea mbio za ubingwa msimu huu.

Michezo hiyo itapigwa katika viwanja vitatu tofauti,kuanzia mchana hadi jioni, huku moja ya mechi zinazotarajiwa kuvutia hisia ikiwa ni pamba Jiji dhidi ya Geita Gold inayobeba taswira ya dabi ya Kanda ya Ziwa.

 

Mchezo wa kwanza utachezwa saa 8:00 mchana katika uwanja wa Lake Tanganyika mkoani Kigoma ambapo Mashujaa itakuwa mwenyeji wa Polisi Tanzania.

Macho ya mashabiki wengi wa soka yataelekezwa pia uwanja wa CCM Kirumba Mwanza kuanzia saa 10:15 alasiri timu ya Pamba Jiji itakapokutana na Geita Gold.

Mchezo huo unaingia katika orodha ya mechi zenye mvuto mkubwa kwa kuwa ni dabi ya Kanda ya ziwa hivyo inatarajiwa kuwa na ushindani mkubwa.

Pamba jiji itatumia faida kucheza nyumbani na mbele ya mashabiki wake, wakati Geita Gold nayo itaingia uwanjani ikiwa na dhamira ya kuondoka na alama muhimu.

Huko Lindi Namungo itakuwa mwenyeji wa TRA United katika mchezo utakaochezwa kuanzia saa 12:30 jioni kwenye uwanja wa Majaliwa.

Mchezo huo unatarajiwa kuwa sehemu nyingine ya ushindani mkali wa raundi ya saba, huku timu zote zikilenga kuanza vyema baada ya mapumziko ya Ligi.