Ligi ya Championship itaendelea leo mzunguko wa nne katika mikoa mitatu huku michezo yote ikianza saa 10:00 alasiri na kuchezwa mkoani Mbeya, Dar es saalam na Arusha.

TMA itakuwa mwenyeji wa Bigman kwenye uwanja wa wa Sokoine huku TMA ikiingia kwenye mchezo huo na hitaji la kupata matokeo baada ya mechi yake dhidi ya Stand United kuahirishwa katika mzunguko uliopita.

Dar es saalam Transit Camp itakuwa mwenyeji wa IAA kwenye uwanja wa uhuru. Transit Camp imeanza msimu ikiwa miongoni mwa timu zinazofanya vizuri huku IAA ikionyesha ushindani katika michezo yake ya mwanzo na mchezo huu utaonyeshwa moja kwa moja kupitia Ligi Kuu TV kwenye mtandao wa Youtube.

Mchezo mwingine utachezwa mkoani Arusha ambapo Mbuni itakuwa mwenyeji wa Gunners kwenye uwanja wa Sheikh Amri Abeid huku kila timu ikihitaji kusaka alama na mchezo huu utaonyeshwa kupitia chaneli ya FIFA+.

Mshambuliaji Abiudy Khalebi wa Mbeya kwanza ameanza kuonyesha ‘makucha’ yake kwenye suala la kucheka na ‘nyavu’ akiwa ndiye kinara wa wafungaji katika Ligi ya Championship ya NBC hadi sasa akifunga mabao manne.

Khalebi anaongoza orodha hiyo akifuatiwa na wachezaji wawili wa KMC Adam Uledi na Ramadhani Kalanje ambao kila mmoja amefunga mabao matatu.

Nyuma yao kuna kundi la wachezaji waliokwisha kufunga mabao mawili akiwemo Oscar Paul wa Tanzania Prisons, Juma Liuzio wa Mtibwa Sugar, Hamdani Ally wa Transit Camp na Zuberi Malila wa Rhino Rangers.

KMC ndiyo timu yenye wachezaji wawili katika nafasi za juu huku Uledi na karanje wakiwa wamefunga mabao matatu kila mmoja, pia imeanza msimu kwa kasi ikishinda michezo yake yote ya mwanzo mitatu na kufunga mabao 11 katika michezo mitatu.

Kalanje tayari ameonyesha uwezo wake wa kufunga tangu mwanzo wa msimu akianza kampeni hiyo katika mchezo wa kwanza wa ligi hiyo dhidi ya Mbuni.

Kwa upande wa Zuberi Malila, alifunga bao katika ushindi wa bao moja dhidi ya Mtibwa Sugar mwanzo wa msimu.

Ligi ya championship ya NBC msimu wa 2026/27 uliendelea jana, kwa michezo ya raundi ya pili ambapo jumla ya mechi nne zilichezwa katika viwanja mbalimbali zote zikianza saa 10:00 jioni.

Katika uwanja wa Uhuru,Dar es saalam Transit Camp ilipata ushindi wa bao 1-0 dhidi ya TMA Stars. Bao pekee la mchezo huo lilifungwa na Kalegea Murusu Mazanga dakika ya 59 na kuihakikishia Transit Camp alama tatu muhimu.

Mkoani Tanga,katika uwanja wa Mkwakwani,KMC iliibuka na ushindi wa mabao 3-1 dhidi ya Bigman.

KMC ilianza kupata bao la kupitia Ramadhani Kalanje dakika ya 45, kabla ya mchezaji huyo kuongeza la pili kwa mkwaju wa Penati dakika ya 66.

Bigman ilirejea kwa nguvu na kupata bao la kwanza kupitia kwa Kelvin John Kayongo aliyefunga kwa penati dakika ya 71,kabla Adam Uledi wa KMC kukamilisha ushindi huo kwa kufunga bao la tatu dakika ya 77.

Mkoani Ruvuma, katika uwanja wa Majimaji Songea United na Rhino Rangers zilitoka sare 0-0 hivyo kila timu ikaondoka na alama moja.

Katika mchezo mwingine Kengold ilipata ushindi wa mabao 2-0 dhidi ya IAA katika mchezo uliochezwa kwenye uwanja wa manispaa ya Chunya, Kengold ilifunga mabao mawili na kuondoka na alama zote tatu huku IAA ikishindwa kupata chochote katika mchezo huo.

Hadi sasa timu zote zimecheza michezo miwili, KMC ikiongoza ligi hiyo kwa alama sita sawa na timu ya Stand United na ‘wana kino Boys’ wakikaa juu kwa tofauti ya mabao.

 

 

Ligi ya Championship imeendelea kwa michezo miwili iliyochezwa katika viwanja tofauti, huku mtibwa sugar na Bandari zikiibuka na ushindi wa kwanza msimu huu katika mechi za raundi ya pili .

 

Katika uwanja wa Manungu ulioko mkoani Morogoro, Mtibwa Sugar imeifunga Mbuni mabao 2-1.

 

Mtibwa Sugar ilipata mabao yake kupitia kwa Musa Mpina aliyefunga yote mawili na Juma Luizio aliifungia Mbuni bao pekee.

 

Wakati huo katika uwanja wa Jamhuri mkoani Dodoma, Bandari imeibuka na ushindi wa bao 1-0 dhidi ya Gunners.

 

Bao la pekee la mchezo huo lilifungwa dakika ya 64 na John Simbe na kuiwezesha Bandari kuondoka na alama zote tatu ukiwa ushindi wa kwanza kwa timu hiyo kwenye Ligi ya Championship ya NBC.

 

LIGI Kuu ya NBC imezidi kupamba moto ikiwa ni mzunguko wa sita kwa timu ya Simba huku kwa Azam wakicheza mzunguko wa saba, ambapo timu ya Azam ilikuwa mwenyeji wa timu ya Simba kwenye uwanja wa Azam Complex, Dar.

Hadi mapumziko timu hizo zilienda bila upande wowote kupata bao ingawa Simba walionyesha uhai kwenye nafasi ya ushambuliaji kwa kutengeneza nafasi nyingi kuliko wenyeji.

Kipindi cha pili Simba ilianza kwa kasi na dakika ya 58 ilifungua akaunti ya mabao baada ya Nathan Idumba kujifunga na kuifanya Simba kuongoza 1-0.

Wekundu wa Msimbazi waliendelea kutawala mchezo na kuongeza bao la pili dakika ya 68 likifungwa na Clatous Chama.

Licha ya Azam kutafuta njia ya kurejea mchezoni, safu ya ulinzi ya Simba ilifanikiwa kulinda lango lake hadi dakika 90 na kuifanya Simba kumaliza mchezo kwa ushindi wa mabao 2-0 na kukusanya alama tatu.

Baada ya michezo huo Ligi Kuu ya NBC itasimama kwa wiki mbili inatarajiwa kurejea oktoba 8, 2026.