Category: TAARIFA

TAARIFA KWA UMMA.

Mwenyekiti wa Bodi ya Ligi Kuu Tanzania (TPLB), Nassor Idrissa, amepokea kwa masikitiko makubwa taarifa za kifo cha Kocha Msaidizi wa Klabu ya Pamba Jiji, Themi Felix kilichotokea Oktoba 17, 2026 mkoani Mwanza

Kwa niaba ya Bodi ya Ligi Kuu Tanzania, Mwenyekiti ametoa pole kwa uongozi wa timu,wachezaji, benchi la ufundi, familia nzima ya Pamba Jiji na wadau wote wa mpira wa miguu kwa ujumla kufuatia msiba huo mzito.

Aidha, ametoa pole za dhati kwa familia ya marehemu, ndugu, jamaa na marafiki wote walioguswa na msiba huo, akiwataka kuwa na moyo wa subira, uvumilivu na nguvu katika kipindi hiki kigumu cha majonzi.

“Tumepokea kwa masikitiko makubwa taarifa za kifo cha Themi Felix. Tunatoa pole kwa familia ya Pamba Jiji na wote walioguswa na msiba huu, Tunaungana nao katika kipindi hiki kigumu cha majonzi na tunawaombea faraja na nguvu ya kuhimili pengo hili kubwa,”amesema Nassor Idrissa.

Themi Felix alifariki katika hospitali ya Rufaa Bugando mkoani Mwanza alipokua Akipatiwa matibabu.

Mwenyezi Mungu ailaze roho ya marehemu mahali pema peponi. Amina.

Imetolewa na;

Idara ya Habari na Mawasiliano

Bodi ya Ligi Kuu Tanzania (TPLB)

Oktoba 18, 2026.

TAARIFA YA KAMATI YA UENDESHAJI NA USIMAMIZI WA LIGI YA BODI YA LIGI KUU TANZANIA (TPLB).

Kamati ya Uendeshaji na Usimamizi wa Ligi ya Bodi ya Ligi Kuu Tanzania (TPLB) katika kikao chake cha Oktoba 6, 2026 ilipitia mwenendo na matukio mbalimbali ya Ligi na kufanya maamuzi yafuatayo;

Ligi ya Championship ya NBC

 Mechi Namba 009: Mbeya Kwanza 1-2 Tanzania Prisons

 Klabu ya Mbeya Kwanza imetozwa faini ya Sh. 5,000,000 (Milioni Tano) kwa kosa la kuchelewa kuwasili kwenye uwanja wa mchezo tajwa hapo juu. Mbeya Kwanza iliwasili saa 8:47 mchana badala ya saa 8:30 mchana kinyume na matakwa ya Kanuni ya 17:15 kuhusu Taratibu za Mchezo. Adhabu hii ni kwa mujibu wa Kanuni ya 17:61 Kuhusu Taratibu za mchezo.

 Mechi Namba 015: Songea United 0-0 Rhino Rangers

Klabu ya Songea United imetozwa faini ya Sh. 5,000,000 (Milioni Tano) kwa kosa la kuchelewa kuwasili kwenye uwanja wa mchezo tajwa hapo juu. Songea United iliwasili saa 8:58 mchana badala ya saa 8:30 mchana kinyume na matakwa ya Kanuni ya 17:15 kuhusu Taratibu za Mchezo. Adhabu hii ni kwa mujibu wa Kanuni ya 17:61 Kuhusu Taratibu za mchezo.

 Mechi Namba 021: Mbeya Kwanza 2-1 Bandari Tanzania

Klabu ya Mbeya Kwanza imepewa Onyo Kali kwa kosa kushindwa kuandaa mchezo kikamilifu ambapo Gari la kubebea wagonjwa (Ambulance) lilichelewa kuwasili uwanjani hali iliyopelekea mchezo huo kuchelewa kuanza kwa dakika 15 kinyume na matakwa ya Kanuni ya 17:7 kuhusu Taratibu za Mchezo. Adhabu hii ni kwa mujibu wa Kanuni ya 17:61 Kuhusu Taratibu za mchezo.

Mechi Namba 023: Tanzania Prisons 2-0 Mbuni FC 

Mtunza Vifaa wa Klabu ya Mbuni Christopher Joseph ametozwa Faini ya Sh. 1,000,000 (Milioni Moja) kwa kosa la kumwaga vimiminika kwenye maeneo mbalimbali ya uwanja wakati timu hizo zikiwa zinapasha misuli joto (Warm Up) kitendo kilichotafsiriwa kama Imani za kishirikina.Adhabu hii ni kwa mujibu wa kanuni ya 45:2(2.4) kuhusu Udhibiti kwa Makocha na Maofisa wengine wa Ufundi.

Wachezaji, Michael Mpesa wa Tanzania Prisons na Ezekiel Eusebio wa Mbuni wametozwa Faini ya Sh. 1,000,000 (Milioni Moja) kila Mmoja kwa kosa la kukataa kutoka uwanjani wakati wa mapumziko wa mchezo tajwa hapo juu kitendo kilichotafsiriwa kama Imani za kishirikina. Adhabu hii ni kwa mujibu wa kanuni ya 41:5 kuhusu Udhibiti kwa Wachezaji.

Mechi Namba 026: Transit Camp 3-1 IAA SC

Klabu ya Transit Camp imetozwa Faini ya Sh. 5,000,000 (Milioni Tano) kwa kosa la Vijana waokota mipira (Ball Boys) wa timu hiyo kwa makusudi kuchelewesha kurudisha mipira uwanjani pale ilipokuwa inatoka nje ya uwanja licha ya kuonywa mara kadhaa na mwamuzi wa mchezo. Adhabu hii ni kwa mujibu wa Kanuni ya 17:61 Kuhusu Taratibu za Mchezo.

Mechi Namba 026: Tanzania Prisons 1-0 Songea United   

Klabu ya Songea United imepewa onyo kali kwa kosa la kuchelewa kwenye kikao cha maandalizi ya mchezo (MCM) kuelekea mchezo tajwa hapo juu kinyume na matakwa ya kanuni ya 17:2 Kuhusu Taratibu za Mchezo. Adhabu hii ni kwa mujibu wa Kanuni ya 17:61 Kuhusu Taratibu za Mchezo.

Wachezaji wa Songea United, Ramadhani Kapera, Gilbert Boniface Pamoja na Daktari wa timu hiyo Shabani Mbotohii wametozwa faini ya Sh. 1,000,000 kila mmoja kwa kosa kumwaga vimiminika kwenye maeneo mbalimbali ya uwanja kitendo kilichotafsiriwa kama Imani za Kishirikina. Adhabu hii ni kwa mujibu wa kanuni ya 41:5 kuhusu Udhibiti kwa Wachezaji na 45:2(2.4) kuhusu Udhibiti kwa Makocha na Maofisa wengine wa Ufundi.

Mechi Namba 029: Mtibwa Sugar 1-0 Mbeya Kwanza

Klabu ya Mtibwa Sugar imetozwa Faini ya Sh. 1,000,000 (Milioni Moja) kwa kosa la mashabiki wake kumrushia mawe mwamuzi msaidizi namba mbili wa mchezo huo Hudson Samwel. Adhabu hii ni kwa mujibu wa kanuni ya 47:1 Kuhusu Udhibiti kwa Klabu

Mechi Namba 032: Bandari Tanzania 1-1 KMC FC

Klabu ya Bandari Tanzania imetozwa faini ya Sh. 5,000,000 (Milioni Tano) kwa kosa la mashabiki wake kuingia kwenye eneo la kuchezea baada ya mchezo kumalizika kinyume na matakwa ya kanuni ya 17:18 kuhusu Taratibu za Mchezo. Adhabu hii ni kwa mujibu wa Kanuni ya 17:61 Kuhusu Taratibu za Mchezo.

Mwamuzi wa kati Ikram Nguyahambi kutoka Tabora na Mwamuzi Msaidizi namba moja Haruna Shammea kutoka Tanga Wamefutwa kwenye orodha ya waamuzi wa Ligi ya Championship ya NBC msimu wa 2026/2027 kwa kosa la kuonesha mapungufu ya kiuchezeshaji yaliyotokana na kushindwa kutafsiri vema sheria za mpira wa miguu kwenye mchezo tajwa hapo juu. Adhabu hii ni kwa mujibu wa Kanuni ya 42:1(1.8) ya Ligi Kuu kuhusu Udhibiti kwa Waamuzi.

 

DUKE,PEDRO WANG’ARA TUZO ZA DISEMBA

MCHEZAJI Duke Abuya wa Klabu ya Young Africans, amechaguliwa kuwa Mchezaji Bora wa mwezi Disemba wa Ligi Kuu ya NBC msimu wa mwaka 2025/26, huku Pedro Goncalves pia wa Young Africans akichaguliwa kuwa Kocha Bora wa Ligi hiyo kwa mwezi huo.

Duke alionesha kiwango kizuri chenye mwendelezo akiisaidia timu yake kushinda michezo miwili iliyocheza mwezi huo, pamoja na kuhusika katika mabao mawili kwa dakika 180 za michezo hiyo.

Mchezaji huyo aliwashinda Nassor Saadun wa Azam na Prince Dube wa Young Africans alioingia nao fainali katika mchakato wa Tuzo za Mwezi uliofanywa na Kamati ya Tuzo za Shirikisho la Mpira wa Miguu Tanzania (TFF).

Kwa upande wa Pedro aliyeingia fainali katika mchakato huo na Florent Ibenge wa Azam na Etienne Ndairagije wa TRA United, aliiongoza timu yake kushinda michezo miwili na kupaa kutoka nafasi ya nne hadi ya pili kwenye msimamo wa ligi hiyo. Young Africans ilizifunga Fountain Gate (2-0), na Coastal Union (0-1).

Wakati huohuo Meneja wa Uwanja wa Meja Jenerali Isamuhyo, Said Mpuche, amechaguliwa kuwa Meneja Bora wa Uwanja kwa mwezi Disemba kutokana na kufanya vizuri katika menejimenti ya matukio ya michezo pamoja na masuala yanayohusu miundombinu uwanjani.

Mchezaji wa Transit Camp Adam Uledi

Katika hatua nyingine mchezaji wa Transit Camp, Adam Uledi, amechaguliwa kuwa Mchezaji Bora wa Mwezi Disemba wa Ligi ya Championship ya NBC 2025/26, huku Shadrack Nsajigwa pia wa Transit Camp akichaguliwa Kocha Bora wa mwezi huo.

Uledi aliyeingia fainali katika mchakato huo na Obrey Chirwa wa Kagera Sugar na Boniface Mwanjonde wa Mbeya Kwanza, alionesha kiwango chenye mwendelezo ikiwa ni pamoja na kucheza dakika 450 za michezo mitano aliyocheza.

Kwa upande wa Nsajigwa aliyeingia fainali na Juma Kaseja wa Kagera Sugar na Zuberi Katwila wa Geita Gold aliiwezesha timu yake kushinda michezo yote mitano iliyocheza mwezi huo.

DIARRA,AHMAD WANG’ARA TUZO ZA SEPTEMBA.

GOLIKIPA wa timu ya Young Africans, Djigui Diarra ameng’ara baada ya kuchaguliwa kuwa Mchezaji Bora wa mwezi Septemba wa Ligi Kuu ya  NBC msimu wa mwaka 2025/2026, huku Ahmad Ali wa JKT Tanzania, akichaguliwa kuwa Kocha Bora wa ligi hiyo kwa mwezi huo.

Diarra alionesha kiwango kizuri chenye mwendelezo akiwashinda Anthony Tra Bi wa Singida Black Stars na Mohamed Bakari wa JKT Tanzania alioingia nao fainali katika mchakato wa Tuzo za Mwezi uliofanywa na Kamati ya Tuzo za Shirikisho la Mpira wa Miguu Tanzania (TFF).

Mchezaji huyo alitoa mchango mkubwa kwa timu yake katika michezo miwili ambayo Young Africans ilicheza na kupata ushindi kwa mchezo mmoja dhidi ya Pamba Jiji (3-0) na kupata suluhu ya (0-0) dhidi ya Mbeya City hivyo kutokuruhusu goli kufungwa kwa timu yake.

KOCHA AHMAD ALI

Kwa upande wa Ahmad Ali aliyeingia fainali na Romain Folz wa Young Africans na Miguel Gamondi wa Singida Black Stars, aliiongoza JKT Tanzania kwenye kiwango kizuri katika michezo miwili iliyocheza kwa mwezi huo wa Septemba.

JKT Tanzania ilipata sare ya bao moja dhidi ya Mashujaa wakiwa ugenini, uwanja wa Lake Tanganyika – Kigoma na kupata ushindi wa mabao mawili dhidi ya Coastal Union (1-2) wakiwa kwenye uwanja wa ugenini,Mkwakwani – Tanga

Ratiba ya Ligi Kuu ya NBC 2025/2026

TAARIFA YA KAMATI YA UENDESHAJI NA USIMAMIZI WA LIGI YA BODI YA LIGI KUU TANZANIA (TPLB)

Kamati ya Uendeshaji na Usimamizi wa Ligi ya Bodi ya Ligi Kuu Tanzania (TPLB) katika kikao chake cha Julai 15, 2025 ilipitia mwenendo na matukio mbalimbali ya Ligi na kufanya maamuzi yafuatayo;

Ligi Kuu ya NBC

Mechi Namba 229: KenGold FC 0-5 Simba SC

Timu ya KenGold ya mkoani Mbeya imepewa Onyo Kali kwa kosa la kuchelewa kuingia kwenye uwanja wa Ali Hassan Mwinyi, Tabora kuelekea mchezo tajwa hapo juu Juni 18,2025.KenGold iliingia uwanjani saa 9:35 alasiri badala ya saa 8:30 mchana jambo ambalo ni kinyume na matakwa ya Kanuni ya 17:15 ya Ligi Kuu kuhusu Taratibu za Mchezo.Adhabu hii ni kwa mujibu wa Kanuni ya 17:62 ya Ligi Kuu kuhusu Taratibu za Mchezo.

Mechi Namba 231: Azam FC 5-0 Tabora United FC

Klabu ya Tabora United imetozwa faini ya Sh. 1,000,000 (milioni moja) kwa kosa la kushindwa kuhudhuria mkutano wa wanahabari kwenye ukumbi wa Benki ya Taifa ya Biashara (NBC) Juni 17, 2025 kinyume na matakwa ya Kanuni ya 17:58 ya Ligi Kuu kuhusu Taratibu za Mchezo.Adhabu hii ni kwa mujibu wa kanuni ya 17:62 ya Ligi Kuu kuhusu Taratibu za Mchezo.

Mechi Namba 184: Young Africans SC 2-0 Simba SC

Klabu ya Simba imeadhibiwa kwa kutozwa faini ya Sh. 1,000,000 (milioni moja) kwa kosa la kushindwa kuhudhuria mkutano wa wanahabari kwenye ukumbi wa Benki ya Taifa ya Biashara (NBC) Juni 24, 2025 kinyume na matakwa ya Kanuni ya 17:58 ya Ligi Kuu kuhusu Taratibu za Mchezo.

Adhabu hii ni kwa mujibu wa kanuni ya 17:62 ya Ligi Kuu kuhusu Taratibu za Mchezo.Klabu ya Simba imeadhibiwa kwa kutozwa faini ya Sh. 1,000,000 (milioni moja) kwa kosa la kushindwa kuhudhuria kikao cha kitaalam cha maandalizi ya mchezo (MCM) Juni 24, 2025 kinyume na matakwa ya Kanuni ya 17:2(2.2) ya Ligi Kuu kuhusu Taratibu za Mchezo.

Adhabu hii ni kwa mujibu wa kanuni ya 17:62 ya Ligi Kuu kuhusu Taratibu za Mchezo.Klabu ya Simba imeadhibiwa kwa kutozwa faini ya Sh. 1,000,000 (milioni moja) kwa kosa la kuingia kwenye uwanja wa Benjamin Mkapa kupitia mlango usio rasmi kuelekea mchezo tajwa hapo juu Juni 25, 2025, kinyume na matakwa ya kanuni ya 17:21 ya Ligi Kuu kuhusu Taratibu za Mchezo.

Adhabu hii ni kwa mujibu wa kanuni ya 17:62 ya Ligi Kuu kuhusu Taratibu za Mchezo.

Michezo ya Mtoano (Play-Off) Hadhi ya Ligi Kuu ya NBC

Mechi Namba PO1: Stand United 1-3 Fountain Gate

Klabu ya Fountain Gate imetozwa faini ya Sh. 1,000,000 (milioni moja) kwa kosa la kikosi chake kulazimisha kupita katika eneo lililotengwa na kuwekewa uzio kwa ajili ya shughuli ya uzalishaji maudhui ya mchezo huo inayofanywa na mdhamini mwenye haki za matangazo ya runinga, Azam Media Limited.

Adhabu hii ni kwa mujibu wa kanuni ya 17:62 ya Ligi Kuu kuhusu Taratibu za Mchezo.

Klabu ya Fountain Gate imetozwa faini ya Sh. 1,000,000 (milioni moja) kwa kosa la kukataa kutumia chumba maalum cha kuvalia kwenye uwanja wa Kambarage, Shinyanga kinyume na matakwa ya Kanuni ya 17:20 ya Ligi Kuu kuhusu Taratibu za Mchezo.

Adhabu hii ni kwa mujibu wa kanuni ya 17:62 ya Ligi Kuu kuhusu Taratibu za Mchezo.

Klabu ya Stand United imeadhibiwa kwa kutozwa faini ya Sh. 1,000,000 (milioni moja) kwa kosa la mashabiki wake kumrushia mawe mwamuzi msaidizi namba moja wa mchezo tajwa hapo juu kwenye uwanja wa Kambarage, Shinyanga Julai 4, 2025.

Adhabu hii ni kwa mujibu wa kanuni ya 47:1 ya Championship kuhusu Udhibiti kwa Klabu.

Wachezaji Edgar Williams (Fountain Gate) na Selemani Richard Seif (Stand United) wamefungiwa michezo mitatu na kutozwa faini ya Sh. 500,000 (laki tano) kila mmoja kwakosa la kukataa kuingia kwenye vyumba vya kuvalia wakati wa mapumziko na kusalia kiwanjani.

Wachezaji hao wawili walionekana kutegeana kila mmoja akisubiri mwenzake awe wakwanza kuondoka kiwanjani jambo ambalo lilileta picha mbaya iliyotafsiriwa kama kitendokinachoashiria Imani za kishirikina.

Adhabu hii ni kwa mujibu wa kanuni ya 41:5(5.5) ya Ligi Kuu na Kanuni ya 41:5(5.5) yaChampionship kuhusu Udhibiti kwa Klabu.

Shauri la Uhalali wa Wachezaji wa Tunduru Korosho

Timu ya Tunduru Korosho ya mkoani Ruvuma imetozwa faini ya Sh. 300,000 (laki tatu) na kuporwa ushindi wa jumla wa michezo miwili ya hatua ya mtoano dhidi ya Cargo FC ya Dar es Salaa, kuwania hadhi ya kucheza First League msimu wa 2025/2026 na timu ya Cargo kupewa ushindi pamoja na kupandishwa daraja kwenda First League 2025/2026, baada ya timu ya Tunduru kuthibitika iliwatumia wachezaji wawili ambao haikuwasajili.

Adhabu hii ni kwa mujibu wa kanuni ya 48:23 ya First League kuhusu Udhibiti kwa Klabu.

Kocha mkuu wa klabu ya Tunduru Korosho, Ramadhan Kadunda amefungiwa kwa kipindi cha mwaka mmoja na kutozwa faini ya Sh. 500,000 (laki tano) kwa kosa la kuwachezesha wachezaji wawili ambao hawakusajiliwa na klabu hiyo kwa ajili ya msimu wa 2024/2025.

Adhabu hii ni kwa mujibu wa kanuni ya 46:2(2.10) ya First League kuhusu Udhibiti kwa Makocha.

Katibu mkuu wa klabu ya Tunduru Korosho, Hassan Issa amepelekwa kwenye Kamati ya Maadili ya TFF kwa tuhuma za kughushi nyaraka za TFF zikiwemo leseni za wachezaji wawili waliotumika katika michezo tajwa hapo juu isivyo kihalali.Mratibu (GC) wa mchezo tajwa hapo juu,Mkwenya Manya amepelekwa kwenye Kamati ya Maadili ya TFF kwa kosa la kuchelewa kwa makusudi kutuma nyaraka (picha za leseni za wachezaji) zilizoombwa na Bodi ya Ligi Kuu Tanzania, jambo ambalo limetafsiriwa kama hila za kuficha udanganyifu uliofanywa na klabu ya Tunduru Korosho.

Wachezaji Miraji Mohamed Daud na Oscar Stuati Omari wa klabu ya TANESCO ya mkoani Iringa, wamefungiwa kwa kipindi cha mwaka mmoja kwa kosa la kuitumikia klabu yaTunduru Korosho katika michezo ya hatua ya mtoano wakiwa wanafahamu kuwa wao si wachezaji halali wa klabu hiyo.

Adhabu hii ni kwa mujibu wa kanuni ya 48:23 ya First League kuhusu Udhibiti kwa Klabu.

Imetolewa na;

Idara ya Habari na Mawasiliano

Bodi ya Ligi Kuu Tanzania (TPLB)

Julai 17, 2025