TIMU ya Azam FC imefanikiwa kupata ushindi wa kwanza wa Ligi Kuu ya NBC dhidi ya KMC baada ya kuifunga mabao 0-4 kwenye uwanja wa KMC mkoani Dar es Salaam.

Bao la kwanza la Azam msimu huu limefungwa na Iddy Seleman kwenye mchezo huo dhidi ya KMC huku mabao mengine yakifungwa na Lusajo Mwaikenda, Nassor Saadun na Nathaniel Chilambo huku golikipa wa Azam Zubeir Foba akimaliza mchezo wake wa pili bila kuruhusu bao.

Matokeo hayo yanaipeleka Azam hadi nafasi ya sita ya Ligi Kuu ya NBC ikifikisha alama tano baada ya kucheza michezo mitatu huku KMC ikiwa na alama nne kwenye nafasi ya nane ya msimamo.

Ligi hiyo inaendelea leo kwa michezo miwili itakayopigwa kwenye mikoa miwili tofauti huku mchezo wa mapema saa 10:00 alasiri kwenye uwanja wa Alli Hassan Mwinyi, Tabora kati ya Tabora United na Fountain Gate huku mchezo wa mwisho ukipigwa kwenye uwanja wa Kaitaba saa 1:00 usiku, Kagera kati ya Kagera Sugar inayoshika nafasi ya 15 na KenGold inayoshika nafasi ya 16 ikiwa haijapata alama yoyote hadi sasa.

BAADA ya KMC kupata ushindi wa kwanza wa Ligi Kuu ya NBC jana dhidi ya KenGold kwa bao moja huku Kagera Sugar ikitoka suluhu na JKT Tanzania leo ligi hiyo inaendelea kwa michezo miwili.

Mapema saa 8:00 mchana timu ya Pamba ya Mwanza itakuwa mwenyeji wa Singida BS kwenye uwanja wa CCM Kirumba, Mwanza.

Pamba haijaruhusu bao mpaka sasa huku ikitoa suluhu kwenye michezo yake mitatu iliyocheza dhidi ya Prisons, Dodoma Jiji na Azam FC huku timu ya Singida ikishinda michezo yote mitatu iliyocheza na KenGold, Kagera Sugar na KMC.

Saa 10:15 alasiri Coastal Union ambayo haijapata ushindi wowote msimu huu itakuwa uwanja wa nyumbani Azam Complex dhidi ya Namungo iliyopoteza michezo yote ya Ligi Kuu ya NBC hadi sasa.

BAADA ya Singida Black Stars na Dodoma Jiji kutamba kwenye uwanja wa nyumbani jana kwa ushindi jana timu ya Coastal Union leo itakuwa mwenyeji wa Mashujaa kuzisaka alama tatu muhimu.

Coastal iliyochagua kutumia uwanja wa KMC uliopo Dar kama uwanja wa nyumbani kwenye mchezo huu itacheza huku ikipambana kupata ushindi wa kwanza msimu huu dhidi ya Mashujaa ambayo haijapoteza mchezo wa Ligi Kuu ya NBC msimu huu.

Coastal ilipata sare ya bao moja kwenye mchezo wake uliopita dhidi ya KMC baada ya Maabad Maabad kusawazisha dakika za mwisho kwa mkwaju wa penati.

Mashujaa ni miongoni mwa timu saba za Ligi Kuu ya NBC ambazo bado hazijaruhusu bao lolote msimu huu ikiungana na timu za Simba, Yanga, Pamba Jiji, Azam, Tanzania Prisons na JKT Tanzania.

BAADA ya Tabora United na Fountain Gate kupata ushindi hapo jana Ligi Kuu ya NBC inaendelea tena leo kwa michezo miwili itakayopigwa mikoa miwili tofauti.

Saa 10:00 alasiri timu ya Singida BS ya Singida itakuwa mwenyeji wa KMC ya Dar kwenye uwanja wa Liti, Singida.

Singida imeshinda michezo yote miwili ya kwanza msimu huu iliyocheza ugenini na leo itaikaribisha KMC kwenye mchezo wa kwanza katika uwanja wa nyumbani.

Mchezo wa pili utachezwa saa 10:00 alasiri kama mchezo wa awali kati ya timu ya Dodoma Jiji na Namungo ya Lindi kwenye uwanja wa Tanzanite Kwaraa, Manyara.

Timu zote mbili hazijapata ushindi kwenye mchezo wowote wa Ligi Kuu ya NBC hadi sasa na hivyo kufanya mchezo huu kuwa na ushindani mkubwa.

LIGI Kuu ya NBC inatarajiwa kuendelea leo kwa michezo miwili baada ya kusimama kwa takribani siku 13 kupisha michezo ya kimataifa.

Mchezo wa kwanza utachezwa saa 8:00 mchana kati ya timu ya Tabora United itakayokuwa nyumbani kuikaribisha Kagera Sugar kwenye uwanja wa Ali Hassan Mwinyi mkoani Tabora ukiwa mchezo wa kwanza wa Tabora kwenye uwanja wa nyumbani.

Mchezo wa mwisho utapigwa saa 10:15 alasiri kati ya Fountain Gate na KenGold kwenye uwanja wa Tanzanite Kwaraa uliopo mkoani Manyara wilaya ya Babati.

Huu ni mchezo wa kwanza kwa timu ya Fountain kucheza nyumbani ukiwa pia mchezo wa kwanza wa Ligi Kuu ya NBC kuchezwa mkoani Manyara kwenye wilaya ya Babati.