MZUNGUKO wa nane wa Ligi Kuu ya NBC unazidi kushika kasi ambapo ijumaa michezo miwili ilichezwa mikoa ya Arusha kwenye uwanja wa Sheikh Amri Abeid na Geita uwanja wa Bukombe.

Mchezo wa Arusha ulianza kwa kasi ikiwa timu za Fountai waliokuwa wenyeji wa Pamba Jiji kutaka alama ili kujiweka katika nafasi nzuri kwenye msimamo wa Ligi Kuu ya NBC, dakika sita zilitosha kwa timu ya Pamba Jiji kufungua ukurasa wa mabao kupita mchezaji wao Abdallah Ali na dakika sita baadae Fountain Gate walijibu mapigo kupitia mchezaji wao Sadick Ramadhani hivyo mpaka mapumziko ubao ulikuwa 1-1.

Kipindi cha pili kilirejea kwa timu zote kupambana kupata ushindi ambapo hata hivyo juhudi zao hazikuzaa matunda hivyo mchezo ulitamatika kwa sare ya 1-1 na mchezaji wa Fountain Gate Sadick Ramadhani alichaguliwa kuwa mchezaji bora wa mchezo huo.

Mchezo wa pili ulikuwa katika uwanja wa Bukombe mkoani Geita ambapo timu ya Geita Gold ilikuwa mwenyeji wa timu ya Dodoma Jiji na kupoteza kwa mabao 0-3.

Dakika tatu zilimtosha Khleffin Salum wa Dodoma Jiji kufungua ukurasa wa mabao na dakika ya sita Mwana Kibuta aliiongezea timu hiyo bao la pili na Dodoma Jiji kwenda mapumziko ubao ulikuwa 0-2.

Kipindi cha pili kilirudi Geita Gold wakipambana kuhakikisha walau wanapata chochote lakini juhudi zao hazikuzaa dafu kwani Khleffin Hamdoun alipigilia msumari mwingine kwa Dodoma na dakika 90 kutamatika matokeo yakiwa 0-3.

Khleffin Salum alichaguliwa kuwa mchezaji bora wa mchezo huo kutokana na kiwango kizuri alichokionyesha uwanjani ambapo alama tatu ziliiwezesha timu yake kutoka nafasi ya sita kwenye msimamo wa Ligi Kuu ya NBC hadi nafasi ya nne.

‘HASHIKIKI’ hivyo ndivyo unaweza kumueleza kiungo wa timu ya Simba Libasse Gueye ambaye ni kinara wa pasi saidizi za mabao ndani ya Ligi Kuu ya NBC msimu wa 2026/2027.

Mchezaji huyo ambaye ni msimu wake wa pili ndani ya timu ya Simba amefanikiwa kutoa pasi saidizi saba na kufunga mabao mawili ndani ya michezo nane ambayo ni sawa na dakika 626 alizocheza Ligi Kuu ya NBC.

Housseine Zakouani ni kiungo wa timu ya Young Africans ikiwa ni msimu wake wa kwanza ndani ya timu hiyo amecheza dakika 255 kakika michezo mitano ya Ligi Kuu ya NBC amefanikiwa kutoa pasi saidizi tatu hadi sasa.

Jeancy Kinda wa Singida Black Stars ni msimu wake wa kwanza akiwa na timu hiyo amecheza michezo nane sawa na dakika 625 na kufanikiwa kutoa pasi saidizi tatu huku akifunga bao moja.

Valentino Mashaka (JKT Tanzania), Hassan Mubiru (Azam), Max Nzengeli, Albert Kangwanda na Chadrack Boka (Young Africans), Anicet Oura (Simba), Henry David na Yusuph Khamis (Singida), Haruni Chanongo na Crispin Ngushi (Mashujaa), Vicent Abubakar (Geita Gold), Yassin Salehe (Kagera Sugar) na Osca Mwajanga wa Mbeya City wachezaji hao wamefanikiwa kutoa pasi saidizi mbili ndani ya Ligi Kuu ya NBC.

SIMBA imeendelea kuwa kinara kwenye Ligi Kuu ya NBC mzunguko wa nane baada ya kuichapa Mashujaa mabao 6-1 katika mchezo uliopigwa Oktoba 13, kwenye Uwanja wa Uhuru, Dar es Salaam.

Ushindi huo umeifanya Simba kuendelea kukaa kileleni mwa msimamo wa ligi ikiwa na alama 24 baada ya kushinda michezo yote nane iliyocheza hadi sasa huku ikiendelea kuonyesha nia ya dhati katika mbio za kuwania ubingwa wa msimu huu.

Simba ilianza mchezo kwa kuonyesha dhamira ya kutafuta ushindi, ikimiliki mpira na kufanya mashambulizi ya mara kwa mara kuelekea langoni mwa timu ya Mashujaa.

Dakika ya 16, Libasse Gueye alifungua ukurasa wa mabao kwa shuti kali la mguu wa kushoto kutoka nje ya eneo la hatari, akimalizia pasi saidizi ya Neo Maema.

Dakika ya 33, Elie Mpanzu aliandika bao la pili kwa timu hiyo baada ya kumalizia krosi iliyopigwa na Nathaniel Chilambo, na kuifanya Simba kwenda mapumziko ikiwa mbele kwa mabao 2-0.

Hali ya Mashujaa ilizidi kuwa ngumu baada ya Hassan Kabunda kuonyeshwa kadi nyekundu mwishoni mwa kipindi cha kwanza, jambo lililoifanya timu hiyo kuendelea na mchezo ikiwa na wachezaji pungufu.

Kipindi cha pili kilianza kwa Simba kuongeza kasi ya mashambulizi na kuutumia vizuri mwanya uliokuwepo dhidi Mashujaa.

Anicet Oura alifunga bao la tatu dakika ya 54, kabla ya Mpanzu kuongeza bao lake la pili katika mchezo huo dakika ya 58 na kuifanya Simba kuongoza kwa mabao 4-0.

Morice Abraham alifunga bao la tano dakika ya 60, akiendeleza shinikizo la Simba dhidi ya wapinzani wao.

Hata hivyo, Mashujaa hawakukubali kuondoka bila kupata bao ambapo mshambuliaji wao Seleman Bwenzi aliifungia timu yake bao la kufutia machozi dakika ya 63 kwa shuti kali kutoka nje ya eneo la hatari, na kufanya matokeo kuwa 5-1.

Simba haikuridhika na matokeo hayo dakika ya 69, Ismail Toure alifunga bao la sita kwa shuti la chini la mguu wa kushoto baada ya kupokea pasi ya Ibraheem Jabaar na kuhitimisha ushindi mnono wa mabao 6-1.

Kiungo wa Simba Ellie Mpanzu alichaguliwa kuwa mchezaji bora wa mchezo huo baada ya kuonyesha kiwango kizuri.

MZUNGUKO wa nane wa Ligi Kuu ya NBC unaendelea leo jijini Dar es Salaam kwa mchezo mmoja ambapo timu ya Simba itakuwa mwenyeji wa timu ya Mashujaa mchezo utakaochezwa katika uwanja wa Uhuru, Dar es Salaam.

Mchezo huo utachezwa majira ya saa moja usiku, ikumbukwe kuwa michezo ya msimu uliopita wa Ligi Kuu ya NBC 2025/2026 Simba ilishinda michezo yote miwili.

Ndani ya msimu huu wa 2026/2027 wa Ligi Kuu ya NBC Simba iliyopo chini ya Kocha Steve Barker imefanikiwa kushinda michezo yote saba na kukusanya alama zote 21 na kuongoza katika msimamo wa Ligi Kuu ya NBC.

Kwa upande wa Mashujaa ipo nafasi ya nne kwenye msimamo wa Ligi Kuu ya NBC imefanikiwa kucheza michezo saba ushindi mechi nne na kufungwa michezo mitatu huku ikikusanya alama 12

LIGI Kuu ya NBC 2026/2027 imeendelea kushika kasi ikiwa ni mzunguko wa nane ambapo timu ya Coastal Union ya Tanga iliikaribisha timu ya Singida Black Stars katika uwanja wa Mkwakwani Tanga Oktoba 12 majira ya saa 12:00 jioni na kuibuka na ushindi wa bao moja.

Kipindi cha kwanza kilianza kwa kasi huku timu zote mbili zikipambana kupata alama muhimu za mchezo huo na ilichukua dakika 13 kwa Coastal Union kufungua ukurasa wa mabao kupitia Gradi Kiala bao lililodumu hadi timu zinaenda mapumziko.

Kipindi cha pili kilirejea kwa ushindani mkubwa huku Singida Black Stars ikipambana kupata bao la kusawazisha katika mchezo huo ikiwa Coastal Union wakijaribu kuongeza bao la pili, licha ya juhudi hizo kwa timu zote mbili hakuna timu iliyofanikiwa kubadilisha matokeo hivyo mchezo kutamatika kwa timu ya Coastal Union kupata ushindi wa 1-0 dhidi ya Singida.

Mshambuliaji Gradi Kiala wa Coastal Union ndiye alichukua tuzo ya mchezaji bora wa mchezo huo kutokana na ustadi aliouonyesha katika mchezo huo