Mzunguko wa nne wa mechi za Ligi ya Championship ya NBC umetamatika katika viwanja mbalimbali nchini huku kila timu ikipambana kuhakikisha inacheza vyema mechi zake kujiweka nafasi nzuri.

KMC inashika usukani kwenye msimamo wa Ligi ya Championship ya NBC huku ikiwa imecheza mechi nne na kuchukua alama 10, timu hiyo imefunga mabao 12 na kuruhusu mabao matatu.

Transit Camp ipo nafasi ya pili katika msimamo wa Ligi ya Championship ya NBC ikiwa imecheza mechi nne, imetoa sare mchezo mmoja na kushinda michezo mitatu huku ikikusanya alama 10, timu hiyo imefungwa mabao matatu na kufunga mabao saba.

Nafasi ya tatu ipo timu ya Tanzania Prisons timu hiyo imecheza mechi nne, ushindi tatu, kupoteza mchezo mmoja na timu hiyo ndani ya msimu huu imefunga mabao matano, kufungwa mabao mawili na kuweza kukusanya alama tisa.

Stand United ipo nafasi ya tano kwenye msimamo wa Ligi ya Championship ya NBC ikiwa imecheza michezo mitatu, imeshinda michezo yote mitatu, imefunga mabao manne na imeruhusu bao moja huku ikukusanya alama tisa.

Kigamboni United ipo katika nafasi ya tano kwenye msimamo wa Ligi ya Championship ya NBC huku ikiwa imecheza michezo minne, imeshinda mechi mbili, sare moja, na kupoteza mchezo mmoja.

Timu hiyo imefunga mabao manne,imeruhusu mabao matatu na imeweza kukusanya alama saba.

Mtibwa Sugar inashika nafasi ya sita katika msimamo wa Ligi ya Championship ya NBC, imecheza michezo minne huku ikishinda mechi mbili sare moja na kupoteza mchezo mmoja timu hiyo ina mabao manne imeruhusu mabao matatu imekusanya alama saba.

Rhino Rangers inashika nafasi ya saba katika msimamo wa Ligi ya Championship ya NBC, timu hiyo imecheza michezo minne, sare moja na kushinda michezo miwili kufungwa mmoja huku timu hiyo imeweza kufunga mabao mawili na kuruhusu bao moja, ikiweza kukusanya alama saba.

Bandari Tanzania ipo katika nafasi ya nane kwenye msimamo wa Ligi ya Championship ya NBC timu hiyo imecheza michezo minne, kushinda mchezo mmoja, sare mechi mbili na kupoteza mchezo mmoja aidha imefanikiwa kufunga mabao manne kufungwa mabao manne huku ikiwa imekusanya alama tano.

KenGold inashika nafasi ya tisa katika msimamo wa Ligi ya Championship ya NBC imecheza michezo minne, imeshinda mchezo mmoja sare moja na kupoteza michezo miwili aidha timu hiyo imefunga mabao manne, imeruhusu mabao sita na imevuna alama nne.

IAA iashika nafasi ya kumi katika msimamo wa Ligi ya Championship ya NBC timu hiyo imecheza mechi nne imeshinda mchezo mmoja, sare moja na kupoteza michezo miwili, aidha imefanikiwa kufunga mabao matatu kufungwa mabao sita na kukusanya alama nne.

Songea United ipo nafasi ya 11 kwenye msimamo wa Ligi ya Championship ya NBC imecheza mechi nne, sare michezo mitatu kufungwa mmoja aidha timu hiyo imefunga bao moja, kufungwa mabao mawili na imevuna alama tatu.

Mbeya Kwanza inashika nafasi ya 12 katika msimamo wa Ligi ya Championship ya NBC, timu hiyo imecheza michezo minne imeshinda mchezo mmoja imepoteza michezo mitatu na imefunga mabao manne, imefungwa mabao sita huku ikikusanya alama tatu.

Mbuni ndio inashika nafasi ya 13 katika msimamo wa Ligi ya Championship ya NBC, timu hiyo imecheza michezo minne ushindi mmoja, kupoteza michezo mitatu ikiwa imefunga mabao manne imefungwa mabao tisa na ikivuna alama tatu.

Gunners ipo nafasi ya 14 kwenye msimamo wa Ligi ya Championship ya NBC timu hiyo imecheza michezo minne, sare mbili, imepoteza michezo miwili, imefunga mabao mawili na kufungwa mabao matano imefanikiwa kukusanya alama mbili.

TMA inashika nafasi ya 15 kwenye msimamo wa Ligi ya Championship ya NBC, timu hiyo imecheza michezo mitatu na kupoteza michezo yote miwili na sare moja aidha imefungwa mabao manne kufunga mabao mawili na kuvuna alama moja.

Bigman ipo nafasi ya 16 na ya mwisho kwenye msimamo wa Ligi ya Championship ya NBC imecheza michezo minne na imepoteza michezo mitatu sare moja ikiwa imefunga mabao matano na kufungwa mabao saba huku ikivuna alama moja.

GOLIKIPA wa timu ya Kagera Sugar, Adam Oseja, ameonyesha ubabe wake baada ya kufanikiwa kupangua penati mbili ndani ya mizunguko sita ya Ligi Kuu ya NBC msimu wa 2026/2027.

Oseja ameokoa penati ya mchezaji wa Mashujaa, Salum Kihimbwa, katika mchezo wa Mashujaa dhidi ya Kagera akifanikiwa pia kupangua mkwaju wa Iddy Selemani wa Azam katika mchezo wa Ligi Kuu ya NBC kati ya Kagera Sugar na Azam huku kipa huyo akiwa amedaka michezo miwili sawa na dakika 180.

Chuma Ramadhani wa Coastal Union amecheza michezo mitano hadi sasa sawa na dakika 438 na golikipa huyo alifanikiwa kuokoa penati iliyopigwa na mchezaji wa Mashujaa, Mishamo Daudi, katika mchezo wa Coastal Union dhidi ya Mashujaa uliochezwa uwanja wa Mkwakwani Tanga.

Frank Faustine wa Geita Gold amefanikiwa kuokoa penati iliyopigwa na mchezaji wa Namungo Awesu Awesu katika mchezo wa Namungo dhidi ya Geita Gold uliochezwa katika uwanja wa Majaliwa Lindi huku kipa huyo akiwa amekaa langoni michezo sita sawa na dakika 540.

 

KIUNGO Mshambuliaji wa timu ya Simba inayoshiriki Ligi Kuu ya NBC Clatous Chama amezidi kuonyesha umahiri wa mguu wake wa kulia baada ya kufunga mabao manne kwa mguu huo.

Mabao hayo aliyapata katika mchezo dhidi ya Pamba Jiji uliochezwa CCM Kirumba, Mwanza, Singida Black Stars katika uwanja wa Airtel mkoani Singida, dhidi ya Geita Gold katika uwanja wa Meja Jenerali Isamuhyo na mchezo wa dabi ya Mzizima dhidi ya Azam katika uwanja wa Azam Complex huku akiwa ametumia dakika 440 .

Maxi Nzengeli wa Young Africans amefanikiwa kufunga mabao matatu kwa mguu wake wa Kulia katika mechi dhidi ya Namungo katika uwanja wa Majaliwa, dhidi ya Pamba Jiji kwenye uwanja wa KMC Complex na dhidi ya Coastal Union kwenye uwanja wa KMC  ikiwa ametumia dakika 521.

Maabad Maabad wa Coastal Union amefunga mabao matatu kwa mguu wa kulia ikiwa ametumia dakika 475 katika mechi dhidi ya Polisi Tanzania alipofunga mabao mawili katika uwanja wa Sheikh Amri Abeid, Arusha na dhidi ya JKT Tanzania katika uwanja wa Mkwakwani Tanga.

Abdul Suleiman wa Azam alifanikiwa kufunga mabao hayo katika mechi dhidi ya Polisi Tanzania kwenye Uwanja wa Sheikh Amri Abeid, Arusha, dhidi ya TRA United mchezo uliochezwa Azam Complex Dar es Salaam na Geita Gold katika uwanja wa Bukombe akiwa ametumia dakika 297.

Mzunguko wa sita wa Ligi Kuu ya NBC umetamatika huku vita ya pasi saidizi za mabao ikionekana kuanza kukolea kutokana na namna ambavyo wachezaji wanapambana kuweza kukusanya pasi hizo.

Libasse Gueye wa Simba ndie kinara wa mbio hizo akifanikiwa kuweka pasi saidizi tano ndani ya michezo sita ambayo timu hiyo ishacheza hadi sasa.

Hussein Zakouani wa Young Africans, Jeancy Mboma wa Singida Black Stars ndio wachezaji wanaofuatia kwa pasi nyingi ikiwa wameweza kutoa pasi saidizi tatu kila mmoja kwa timu zao ndani ya michezo mitano ambayo timu hizo zimeshacheza.

Yusuph Adam wa Singida Black Stars, Vicent Abubakar wa Geita Gold, Ani Elijah wa TRA United, Albert Kangwanda na Chadrack Boka wa Young Africans, Hassan Mubiru wa Azam na Denis Mushi wa Polisi Tanzania wamefanikiwa kuzipatia timu zao pasi saidizi mbili kila mmoja hadi sasa.

Ligi Kuu ya NBC inatarajiwa kuendelea tena Oktoba nane ikiwa ni baada ya mapumziko ya ratiba kalenda ya Fifa na utakuwa ni mzunguko wa saba wa Ligi hiyo.

LIGI ya Championship ya NBC inazidi kunoga ikiwa ni mzunguko wa pili wa Ligi hiyo iliyoanza Septemba 10 ikihusisha timu 16 kutoka mikoa mbali mbali.

Mzunguko wa pili unaanza leo kwa michezo miwili ambapo timu ya Mbeya Kwanza itakuwa mwenyeji wa timu ya Tanzania Prisons katika uwanja wa Ali Hassan Mwinyi mkoani Tabora na mchezo huo utakuwa mbashara kupitia chaneli ya Fifa+ huku Stand United ikiumana na timu ya Kigamboni United katika uwanja wa Kambarage mkoani Shinyanga.

Kesho michezo miwili itachezwa pia ambapo Gunners itaikaribisha timu ya Bandari katika uwanja wa Jamhuri Dodoma ambapo mchezo utakuwa mbashara kupitia chaneli ya Fifa+ huku Mtibwa Sugar itacheza na Mbuni katika uwanja wa Manungu na mchezo huo utakuwa mbashara chaneli ya Ligikuu Tv kwenye mtandao wa Youtube.

Septemba 20 michezo minne itachezwa ambapo Transit Camp itaumana na TMA kwenye uwanja wa Uhuru, Dar es Salaam huku pia mchezo huo uutaruka mbashara kwenye chaneli ya mtandao wa Youtube ya Ligikuu Tv.

Bigman dhidi ya KMC kwenye uwanja wa Mkwakwani Tanga , Songea United dhidi ya Rhino Rangers kwenye uwanja wa Maji Maji, Ruvuma na KenGold dhidi IAA katika uwanja wa Manispaa ya Chunya mkoani Mbeya.