Tag: #LIGIKUU #NBCPL #AZAM #YANGA #SIMBA #KMC #JKT #MASHUJAA #KENGOLD #DODOMAJIJI #PAMBAJIJI #KAGERASUGAR #SINGIDABLACKSTARS #FOUNTAINGATE #NAMUNGO

by Loveness Bernard

JKT KUWAKARIBISHA SIMBA ISAMUHYO LIGI KUU YA NBC

LIGI Kuu ya NBC itaendelea kesho kwa mchezo mmoja ambapo timu ya JKT Tanzania itaikaribisha timu ya Simba katika uwanja wa Meja Jenerali Isamuhyo uliopo Mbweni mkoani Dar es Salaam  majira ya saa kumi jioni.

Mchezo huo ambao ni mchezo wa mzunguko wa 25 ulishindwa kufanyika hapo awali kutokana na ugumu wa ratiba ya Simba iliyokuwa  na michezo ya Kombe la Shirikisho barani Afrika.

JKT Tanzania ipo nafasi ya saba katika msimamo wa Ligi Kuu ya NBC ikiwa imefanikiwa kufunga mabao 24 na kuruhusu mabao 24 katika michezo 26 ambayo timu hiyo imeshacheza mpaka sasa huku ikikusanya alama 32.

Simba ipo nafasi ya pili kwenye msimamo  wa Ligi  Kuu ya NBC ikiwa imekusanya alama 60 katika michezo 23 ikifunga mabao 54 na kuruhusu mabao tisa .

by Loveness Bernard

KIPAGWILE,HAMDI WANG’ARA TUZO ZA MWEZI APRIL LIGI KUU NBC

MSHAMBULIAJI wa timu ya Dodoma Jiji, Iddi Kipwagile amechaguliwa kuwa Mchezaji Bora wa mwezi Aprili wa Ligi Kuu ya NBC msimu wa mwaka 2024/25, huku Miloud Hamdi wa Yanga, akichaguliwa kuwa Kocha Bora wa ligi hiyo kwa mwezi huo.

Kipwagile alionesha kiwango kizuri chenye mwendelezo akiwashinda Pacome Zouzoua wa Yanga na Haruni Chanongo wa Tanzania Prisons, alioingia nao fainali katika mchakato wa Tuzo za Mwezi uliofanywa na Kamati ya Tuzo za Shirikisho la Mpira wa Miguu Tanzania (TFF).

Mchezaji huyo alitoa mchango mkubwa kwa timu yake katika michezo minne ambayo Dodoma Jiji ilicheza mwezi huo na kufunga mabao matatu na kuhusika na mengine matatu kwa dakika 320 alizocheza.

Kwa upande wa Hamdi aliyeingia fainali na Amani Josiah wa Tanzania Prisons na David Ouma wa Singida Black Stars, aliiongoza Yanga kushinda michezo yote minne iliyocheza mwezi huo na kuendelea kubaki kileleni mwa msimamo wa ligi Kuu ya NBC. Yanga ilizifunga Tabora United (0-3), Coastal Union (1-0), Azam (1-2) na Fountain Gate (0-4).

Pia Kamati ya Tuzo imemchagua Meneja wa Uwanja wa Isamuhyo uliopo Dar es Salaam, Ashraf Omar kuwa Meneja Bora wa Uwanja kwa mwezi Aprili kutokana na kufanya vizuri katika menejimenti ya matukio ya michezo pamoja na masuala yanayohusu miundombinu uwanjani.

Wakati huohuo Kamati ya Tuzo za TFF, imemchagua Emmanuel Maziku wa Stand United kuwa Mchezaji Bora wa Mwezi Aprili wa Ligi ya NBC Championship 2024/25, huku Ramadhan Ahmada wa Transit Camp akichaguliwa kuwa Kocha Bora wa mwezi huo.

Maziku aliyeingia fainali na Mohammed Hassan wa Transit Camp na Ramadhan Kipalamoto wa Songea United, alionesha kiwango chenye mwendelezo, ikiwa ni pamoja na kufunga mabao manne kwa dakika 194 alizocheza kwenye michezo mitatu.

Kwa upande wa Ahmada aliyeingia fainali na Malale Hamsini wa Mbeya City na Awadh Juma wa Mtibwa, aliiongoza timu yake kushinda michezo yote mitatu iliyocheza na kupanda kutoka nafasi ya 15 hadi ya 13 kwenye msimamo wa ligi hiyo.

by Loveness Bernard

SIMBA ‘YATAKATA’ DHIDI YA MASHUJAA LIGI KUU YA NBC

LIGI Kuu ya NBC imeendelea leo kwa mchezo mmoja uliochezwa majira ya saa kumi jioni katika uwanja wa KMC mkoani Dar es Salaam ambapo Simba waliwakaribisha timu ya Mashujaa kutoka mkoani Kigoma.

Mchezo ulianza kwa kasi ambapo kila timu ilionyesha ikitaka kupata alama tatu  ambapo iliwachukua dakika tano timu ya Mashujaa kufungua ukurasa wa mabao kupitia mchezaji wao Jafary Kibaya ambapo mpaka wakati wa kwenda mapumziko matokeo yalikuwa 0-1 licha ya Simba tupambana kusawazisha .

Kipindi cha pili kilianza kwa kasi huku Simba wakiwa na uchu zaidi wa kufika langoni mwa mpinzani wao licha ya kukutana na upinzani mkali kutoka kwa wachezaji wa timu ya mashujaa ambapo hata hivyo dakika ya 65 ya mchezo huo Leonel Ateba alifungua akaunti ya mabao kwa Simba kupitia mkwaju wa penati na kufanya ubao kusomeka 1-1 na alirejea tena nyavuni kupitia mkwaju wa penati ya pili hivyo kufanya ubao kusomeka 2-1 matokeo yaliyobaki hadi mwisho wa mchezo huo na kuwafanya Simba kubeba alama zote tatu .

 

by Loveness Bernard

SIMBA ‘KUKIWASHA’ NA MASHUJAA LEO LIGI KUU NBC

LIGI Kuu ya NBC inarejea rasmi leo ambapo mchezo mmoja utachezwa katika uwanja wa KMC Complex uliopo Mwenge mkoani Dar es Salaam timu ya Simba ikiikaribisha timu ya Mashujaa kutoka mkoani Kigoma.

Mchezo huo utachezwa majira ya saa kumi jioni ikiwa ni mchezo wa kiporo cha mzunguko wa 24 wa Ligi Kuu ya NBC ambao haukuchezwa kutokana na Simba kuwa na michezo ya Kombe la Shirikisho Afrika ambapo wamefanikiwa kufuzu fainali ya michuano hiyo.

Simba ipo nafasi ya pili kwenye msimamo wa Ligi Kuu ya NBC ikiwa na alama 57 ikifanikiwa kufunga mabao 52 na kuruhusu mabao 8 ikiwa ni timu iliyoruhusu mabao machache kuliko timu zote ikiwa timu hiyo imeshacheza michezo 22.

Mashujaa ipo nafasi ya 10 kwenye msimamo wa Ligi Kuu ya NBC ikiwa imefanikiwa  kufunga mabao 26 ikiruhusu mabao 30 katika michezo 26 ambayo timu hiyo imeshacheza.

by Loveness Bernard

YOUNG AFRICANS ‘HAWACHEKESHI’ NDANI YA BOKSI

UTAMU wa Ligi Kuu ya NBC unazidi kukolea ikiwa ni mzunguko wa 27 wa Ligi hiyo huku timu ya Young Africans ikiongoza kwa kufunga mabao mengi ndani ya eneo la boksi (18).

Young Africans imefanikiwa kufunga mabao  55 ndani ya boksi ikiwa ni mabao mengi kufungwa na timu kwenye Ligi Kuu ya NBC.

Simba nayo haina mzaha ikiwa ndani ya boksi ambapo hadi sasa ikifanikiwa kufunga mabao 48  huku Azam ikiwa na mabao 38 kwenye eneo hilo la 18.

Singida Black Stars nayo haina utani iwapo wachezaji wake wakipata mpira ndani ya boksi ikiwa imeshafunga mabao 37 huku Tabora United na Dodoma Jiji zikiwa na mabao 23.

Kwa upande wa Namungo imefanikiwa kufunga mabao 22 na Fountain Gate ikifunga mabao 20 ndani ya eneo hilo la 18.