Timu ya Young Africans imeibuka na ushindi wa bao 1-0 dhidi ya Geita Gold katika mchezo wa ligi Kuu ya NBC uliochezwa katika uwanja wa KMC jijini Dar es saalam.

Bao pekee la mchezo huo lilifungwa na Oumar Komara dakika ya 55 na likiwapa Yanga alama tatu muhimu.

Hata hivyo mchezo huo ulishuhudia Yanga wakimaliza pungufu baada ya kiungo wao Stephane Aziz Ki kuonyeshwa kadi nyekundu.

Baada ya matokea hayo Yanga inaendelea kuongoza msimamo wa Ligi Kuu ya NBC ikiwa na alama 18 ikicheza michezo sita, ikishinda yote sita ,huku ikiwa imefunga mabao 16 na kufungwa mawili pekee.

Geita Gold yenyewe inashika nafasi ya tisa ikiwa na alama 7 baada ya michezo sita, ikiwa imeshinda miwili, sare moja na kupoteza michezo mitatu, imefunga mabao tisa na kufungwa nane.

LIGI Kuu msimu wa 2026/27 imeendelea vyema ikiwa ni raundi ya sita kwa kuzikutanisha TRA United na Pamba Jiji, huku Pamba Jiji ikishindwa kufurukuta ikiwa uwanja wa nyumbani CCM Kirumba.

Mchezo huo ulishuhudia TRA United ikianza kwa kasi na kupata bao la kwanza dakika ya nne kupitia kwa mchezaji Ani Elijah kabla ya Nonyem Okorocha kuongeza bao la pili dakika ya saba baada ya kujifunga mwenyewe.

Jahazi la Pamba Jiji liliendelea kuzama baada ya mchezaji wa zamani wa Yanga Emmanuel Mwanengo kuongeza bao la tatu lililowapeleka TRA mapumziko wakiwa mbele kwa mabao 3-0.

Pamba jiji ilijaribu kurejea mchezoni na kupata bao dakika ya 76 kupitia kwa Abdulkarim Iddy ambalo halikuweza kuiepusha timu hiyo na kipigo na kujikuta ikipoteza kwa 3-1.Emmanuel Mwanengo,

Kwa upande mwingine katika uwanja wa Kaitaba mkoani Kagera timu ya Kagera Sugar na Fountain Gate zilitoka sare ya bao 1-1 katika mchezo ulioanza saa 1:00 usiku.

Kagera ilikuwa ya kwanza kupata bao dakika ya 26 kupitia Massanja Jesto kabla ya Fountain kusawazisha dakika ya 33 baada ya Andrew Vicent kujifunga mwenyewe.

Timu za Pamba Jiji na Kagera Sugar zinaendelea kuwa na rekodi mbaya msimu huu kwani hadi sasa hazijashinda mchezo wowote huku zikishika nafasi mbili za mwisho.

LIGI ya Championship ya NBC championship 2026/27 imeanza kwa ushindi wa kuvutia baada ya timu tatu za KMC,Kigamboni na Rhino Rangers kuanza kwa kupata ushindi.

 

KMC ilianza kwa kishindo baada ya kuichapa Mbuni mabao 5-1 katika mchezo uliochezwa LKMC complex huku ushindi huo ukiwa kwa hisani ya mabao ya Ramadhan Kalanje, Frank ikobela, Salum Mlemwa, Abdallha Madirisha na Adam Uledi. 

 

Katika uwanja wa uhuru,Kigamboni united ilianza kwa ushindi wa bao 1-0 dhidi ya ‘maafande’ wa TMA kutoka Arusha.

 

Nicodemus Ntarema ndiye aliyekuwa shujaa wa Kigamboni baada ya kufunga bao pekee la mchezo dakika ya 33 na kuipa timu yake alama tatu muhimu za mwanzo wa msimu.

 

Rhino Rangers ilianza kwa ushindi wa bao 1-0 dhidi ya Tanzania Prisons katika mchezo uliochezwa uwanja wa Ali Hassan Mwinyi, Tabora.

 

Zuberi Malila aliipa Rhino Rangers bao la ushidi dakika ya 13 na timu hiyo ikafanikiwa kulinda bao hilo mpaka mwisho na kuondoka na alama tatu muhimu.

Ligi ya Championship ya NBC msimu 2026/27 inaanza rasmi leo kwa michezo mitatu itakayochezwa katika viwanja tofauti huku timu zikianza safari ya kuwania nafasi za kupanda Ligi Kuu ya NBC.

Mchezo kwanza utapigwa katika uwanja wa Ali hassan Mwinyi mkoani Tabora timu ya Rhino Rangers itakuwa mwenyeji wa Tanzania Prisons kwenye mchezo utakaorushwa mubashara kupitia chaneli ya FIFA+.

Dar es salaam, KMC itawakaribisha Mbuni katika uwanja wa KMC katika mchezo utakaoonyeshwa kupitia Ligi Kuu TV kupitia mtandao wa youtube.

Katika mchezo mwingine katika mkoa wa Dar es salaam kigamboni united itakuwa mwenyeji wa TMA katika uwanja wa uhuru , na michezo yote itapigwa saa 10:00 alasiri.

Ufunguzi huo unatarajiwa kuleta ushindani mkubwa kutokana na kila timu kuanza msimu zikiwa na malengo mapya huku mashabiki wakisubiri kuona kiwango cha timu zao baada ya maandalizi ya msimu mpya.

Ligi Kuu ya NBC imeendelea kwa michezo miwili iliyotoa burudani kubwa kwa mashabiki, Singida Black Stars waliwakaribisha simba na kupoteza 1-2 kwenye uwanja wa Airtel mkoani Singida huku Geita Gold ikianza vyema kwenye uwanja wake mpya kwa ushindi mnono wa mabao 6-2 dhidi ya Kagera Sugar.

Clatous Chama aliifungia Simba bao la kwanza dakika ya 12, Sheikhah Ibrahim wa singida akaweka mzani sawa dakika ya 22 na kuwainua mashabiki wa Singida.

Hata hivyo, Simba ilirejea ikiwa na nguvu zaidi kipindi cha pili na kufanikiwa kuongoza mchezo kupitia Rushine De Reuck, aliyefunga dakika ya 62.

Mchezo huo pia ulishuhudia Simba ikicheza ikiwa pungufu baada ya Anthony Mligo kuonyeshwa kadi nyekundu na kuwa mchezo wa tatu mfululizo Simba kupata kadi nyekundu tangu ligi ianze.

Katika mchezo mwingine uliochezwa Uwanja wa kisasa wa Bukombe, mkoani Geita, ambapo Geita Gold ilianza kwa kishindo baada ya kuibuka na ushindi wa mabao 6-2 dhidi ya Kagera Sugar.

Mchezo huo ulikuwa wa kipekee kwa timu hizo mbili ambazo zimepanda kutoka Championship na kushiriki Ligi Kuu, huku ikiwa pia ni mara ya kwanza kwao kucheza katika uwanja huo mpya uliopo Wilaya ya Bukombe, mkoani Geita, ambao Geita Gold inautumia kama uwanja wake wa nyumbani.

Geita Gold ilianza kuandika historia hiyo dakika ya 10 kupitia Richard N’gondya, kabla ya kuongeza bao la pili dakika ya 23 kupitia Obrey Chirwa kwa mkwaju wa penalti.

Yussufu Mhilu aliendelea kuipa Geita Gold nguvu kwa kufunga dakika ya 34 na 46, huku Richard N’gondya akifunga bao lake la pili katika mchezo huo dakika ya 63.

Chirwa alikamilisha siku yake nzuri kwa kufunga bao la pili dakika ya 69 na kuifanya Geita Gold kufikisha mabao sita.

Kagera Sugar ilipata mabao mawili ya kufutia machozi, yakifungwa na Hassan Mwatelema dakika ya 40 na Robert Mkandya dakika ya 90+1.

Ushindi huo unaifanya Geita Gold kuanza safari yake ya Ligi Kuu kwa kiwango cha kuvutia, huku mchezo huo ukitoa burudani kubwa kwa mashabiki waliojitokeza kushuhudia historia ya timu hizo kwenye uwanja mpya.